|
1
Chitarra d’oru
e citula d’argentu
Facitimi nu sonu
‘mperiali,
Canzuni ‘ndaju a diri
chhiù di centu
Mi schjatta cu non voli
e parra mali.
Eu su comu o lupu a
passu lentu
Eu non mi spagnu du
bbaiari ‘i cani
Li cosi fazzu a tempu e
non mi pentu
Senza livato non si faci pani
2
Briganti Ninu
Martinu
Sci! Che bellu lu siri
di fora
‘ntra li boschi di Ninu
Martinu!
Leva li so cumpagni a
la reali,
Vistuti di damascu
camuscinu
Pani jancu ‘nci duna a
mangiari.
U cumpanaggiu mai ‘nci
veni menu
Non li leva a li
frischi funtani
Ch’appressu ‘nci manda l’utri cu lu vinu
3
U Briganti o Giudici
Tira nimicu meu, tira
la pinna
Fussi chi nesci a morti
la cundanna.
Tu teni carta calamaru
e pinna,
ed purbiri e palli o me
cumandu.
Tu si u vicirrè di
chistu regnu
Ed eu sugnu lu rrè di
la muntagna.
Tandu, nemicu meu,
tandu m’arrendu
Quandu lu capu ‘mpendi ‘nda pinna.
4
Arsira cu lu lustru di la
luna
vitti na ficaredha
mulingiana,
Lu cori mi diciva
sciuppindi una
e sciuppatilla di la
megghju rama.
AA lu 'nchianari, 'nchiani
sicuru
a lu calari si sciancau
na rama.
Non ciangiu no, li fica e
non li pruna,
ciangiu chi si sciancau
la megghju rama.
5
Lu mastru custureri cuggi e tagghja.
cu li ritagghj suli 'ndutau na figghja,
pi dota nci dessi na tuvaggja,
all'otto jorna jiu mi 'nci la piggja.
6
Lu carru a la 'nchianata
si tratteni,
a la calata gran furia
pigghja,
e cu non cerni la farina
bbona
lu pani si magia cu la
canigghja.
7
Juri di menta; la menta non è juri ma na
pianta,
l’amuri di nu ddui ora ‘ncumincia
Juri di costa; nu ddui ‘ndi nnamurammu a prima
vista, l
’unu pill’atru simu fatti a pposta
8
Juri di crita; l’amuri è delicatu comu a sita,
e non si poti lavari ca bbucata
Juri di rasta; l’amuri non è cavuli ca pasta,
pirchì mi cundi u lardu non ci basta
Juri di sipala; tu rrusti l’ovu ca candila,
ambeci a to famigghja sciacqua e sciala.
9
Cucuzza chi ssi fatta maliditta,
tu non si bbona non cruda e non fatta,
a cosa chi non ‘mbali mai s’apprezza,
falla comu voi, è sempri cucuzza.
10
‘Nci dissi la cucuzza a lu citrolu:
pirchì ‘ndai tu, lu culu tantu maru?
Eu sugnu maru ma sugnu nu cunsolu
e, cui mi trova ammia mi teni caru.
11
Dimmi di cu ti schjanti e non la fai;
si tu ti schjanti di li parenti toi
A ‘mbrazza ti pigghju e non ti posu mai.
Ti posu a undi posinu l’aroi,
a undi to mamma non ti vidi mai
|
1
Supra a lu focu fattu
di pagghja
anutili chi menti la gradigghja
2
I parenti da mugghjeri
sunnu duci comu o meli
I parenti du maritu
sunnu serpi ‘ndo cannitu
3
Cu tanta tila, cu tanti linzola,
cu tanta cumpagnia, cu dormi sulu
Lu zappaturi
zzappa zzappa,
soddi ‘nda la pezza mai
non gruppa.
La sira si si cogghj a
la trampa a la trampa,
apri mugghjieri mia su fattu stuppa
4
Sparagna fimmina finu ca bbutti è china
chi quandu u fundu pari,
non c'è cchiù da sparagnari
5
Cu ciangi chi non davi
la mugghjeri
e ccu non la poti
guvirnari.
6
Tri cosi fannu anuri a
na pirsona:
l'esseri, lu custumi li
paddhi.
7
Quandu mi maritai, pasta
sciutta non mangiai,
pi dispettu i me
mugghjeri, supra a cascia mi curcai.
8
Cui dici chi lu pulici è
curnutu!
Lu pulici è lu megghju
nnamuratu.
Si curca 'nda lu lettu
di la zzita,
e maru i mia. su
sbinturatu.
9
Si ssi destinatu mi moru
a lu scuru
a 'mbatula mi fa lu
lantirninu.
10
A bbella, quandu è
bbella di natura
cchiù sciambarata vai,
cchiù bbella pari.
11
Lu pecuraru vestilu di
sita,
faci sempri hjavuru i lacciata.
12
Si vveni marzu e mi rriva malatu,
novu mi
pozzu fari lu tambutu
13
U poviru e u malatu non li voli u parentatu
14
Si u ‘mabarratu canusciva u ddiunu,
u turcu si
faciva cristianu
15
E’ nutili chi ti llisci e fa cannola,
u santu
è di marmuru e non suda
16
Si vvoi campari beni, piggjhja u mundu comu
veni
Si vvoi campari sanizzu, sanizzu,
dopo chi
mangi ripositi ‘n pezzu
17
Mmenduli scacciandu e fimmini basciandu,
attia mussu i zzucchuru sempri vaiu truvandu
18
Eu l’aiu i lignu, eu l’aiu i stagnu,
quandu
chjovi non mi bbagnu,
e pi vvui bedha figghjola, vi stagnu la
cassalora
19
Scasciu chi mmi ‘mbattiu ‘nda la carrozza,
lu corbu si mangiau la ficarazza
20
Rricorditi di mia ‘na vota l’annu,
chi eu mi rricordu i tia tri vvoti o jornu:
la sira la matina e ppoi quandu sona
menzijornu.
21
Quando nascisti tu parma rosata,
‘ngegnu ‘nci facisti a la me vita
Nu ddui non vosimu ‘mbasciata,
‘ndi ritirammu cu la calamita
22
Si voi ‘mbitari nu toi amicu,
‘mbitilu a carni i crapa, lignu e ficu
|
