"FUSSATOTI RITORNATE VIRTUALMENTE ALLE VOSTRE ORIGINI"

     
 

 

PREGHIERE E CANTI RELIGIOSI

 

 

Iva Maria pi na strata nova,

la porta di na forgia aperta era.

“O caru mastru, chi faciti a st’ura?”

“Staiu facendu tri pungenti chhjiova.”

“O caru mastru, non l’aviti a fari,

chi dubbra vi la paiu la mastria.”

“O cara donna, non lu pozzu fari,

ca undi c’è Gesu mentunu a mmia.”

...

E l’acqua di lu mari fici ojjhiu,

guardati vernaddì chi nc’è me fijjhhiu. 

 

 

PU SANTU NATALI

 

Allistitivi cari amici

ca ssu jorna di Natali,

chi bella festa principali

u Santu Patri ‘nci fici.

                                               A lu celu na festa si faci

                                               a la cresia cantunu a coru

                                               e la terra che pinta

                                               odora di rosi e di juri.

E’ venutu lu Redenturi

porta pani e porta vita

e li grazzii a nui c’invita

all’unioni e all’amuri.

                                               Porta pani pi li bboni,

                                               pi li mali lo soi aiutu

                                               e tutti chidhi chi l’annu pirdutu

                                               lu vannu a truvari.

Vannu a truvari la bbona via

a lu celu chi non c’è via,

a lu celu chi non c’è via

‘nc’è lu siggillu.

                                               O divinu piccirillu

                                               siti grandi e onniputenti,

                                               siti tantu risplendenti

                                               ‘nda vostra culla i pagghja.

Siti ccuppatu ‘nda na tuvagghja

siti cuppatu cu vveru amuri,

e vostra mamma cu tantu splinduri

vi stringiva a lu pettu.

                                               O divinu meu pargulettu,

                                               tutti l’angiuli calaru,

                                               a Marria la cumbitaru

                                               a la capanna.

Chida notti chiuvìa manna

ch’era notti disidirata

e l’erbicedha non era criata

spandiva meli.

                                               Risplindenti chi ssiti a li celi

                                               risplindenti chi ssiti a la grutta

                                               risplindenti dill’aria

                                               tutta la magistrata.

Si ricogghjunu li pasturi

attornu. attornu a la capanna

chi aduravunu lu Bambinu

e la Madonna.

                                               E lu bboi e l’asinellu

                                               chi duravunu lu bambinellu

                                               e S. Giuseppi lu vecchiarellu

                                               che venerandu.

 

Bambinedhu duci duci

Bambinedhu duci duci

eu ti dugnu sti ddu nuci

ti li scacci e ti li mangi

e cusì zitt' 'e non ciangi

E ninna e ninna la o

dormi bellu e fai la o

Bambinedhu duci e amatu

eu ti portu u nucidhato

ti lu mangi in cumpagnia

cu Giuseppi e cu Mmaria

E ninna e ninna la o

dormi bellu e fai la o

Banbinedhu nicu nicu

eu ti portu sti tri fica

ti li mangi in cumpagnia

di la vergini Maria

E ninna e ninna la o

dormi bellu e fai la o

 

 

 

 

 

 

 

CANTO ALLA MADONNA DELLA MONTAGNA 

 Vergini bella, japrìtindi li porti,
ca stannu arrivandu li devoti Vostri.

E nui venimu sonandu e cantandu,
Maria di la Muntagna cu' Vui m'arriccumandu.

Vergini bella, dàtindi la manu,
ca simu foresteri e venimu di luntanu.

M'arriccumandu la notti e lu jornu,
'na bona andata e 'nu bonu ritornu!

 

ORAZIONE  

(da mara Zza ‘Ntunina, ripresa e dettata da Ciccio Iamonte “U Pilannu”) 

Eu guardu ‘ncelu e viu risplendenti,

viu lu grandi visu di Maria.

‘Nc’era nu povir’omu a dissordari

Ed era tanta la necessitati

C’a idhu carciratu lu tiniva.

und’era carciratu a li scuntenti

S’avia a passari ‘n finimi assai scuttanti,

e sso mugghjeri un picculinu aviva

e di sett’anni lu vosi luvari.

Quandu rruvau ammenzu di la via

lu picculinu si misi a jiucari.

Ampena ampena la bbarca pindia

Subbitu chi lu vittinu bbuccari.

La povira mamma sua rimasi sula

ciangendu si ‘ndi jiu dhi strati strati;

quandu ‘ndi so maritu avi rrivatu

‘nci cunta li gran peni c’avi passatu.

Ciangi la mamma e cchjù ciangi lu patri.

Dhu picciridhu meu, caru cunortu,

chi non ti sacciu  vivu ,non ti sacciu mortu.

‘Nta dhu mumentu lu chjantu cissau

sona la santa missa e si ‘ndi jiu.

Na monachella dha intra truvau,

ca ‘nginucchiuni diciva l’orazzioni.

Chi ‘ndai sorella mia, chi ‘ndai chi ciangi,

chi ciangi di ssu modu malamenti?

Eu ‘ndaiu a mme maritu carciratu,

e lu picculinu, lu persi annigatu.

Zzittu sorella mia, chhjjù non ciangiri

chi la matri di Ddiu ‘ndavi a jutari.

‘Ncumincinci a lu mercùddi a dijunari

fina alli vinti costi ssicurati.

Eu d’oggi ‘nci li vogghju a ‘ncuminciari

chi mercùddi è da santa cunsulazzioni.

Dha donna cu ddiluri dijunava

lu cori si sintiva cunsulari,

fici nu grandi sforzu pi ttirari.

Figgjiu comu ‘nda ll’accqua ti tinisti?

<‘Nci fu na donna ci mm’a tinutu forti,

cu biancu mantu e ddha ccussì mi dissi:

Vai e cunsola a to mamma cu to patri,

chi ‘ndannu i me ddijuni ‘ncuminciati.>

E stu miraculu si vinni a sapiri

di chidhu c’aiu aviri li dinari,

la mamma cu lu figgjiu eppinu a gghjiri

subbitu chi ssi misiru a cuntari.

Chisti su li cent’unzi chi mm’ a ddari,

chist’atri ti li mangi pi la via,

chisti fa to maritu scarcerari

prega a Maria Vergini pi mmia,

e prega pi li poviri carcerati,

chidhi chi stannu ‘nda la priggiunia.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

contatori internet